गुरू कोणास म्हणावे?
आज माझं अस्तित्व ज्यांच्यामुळे आहे,संस्कारांची शिदोरी ज्यांनी दिली,ज्यांनी माझं स्वतंत्र व्यक्तिमत्त्व बनवण्यासाठी माझी जडणघडण केली ते माझे आईबाबा माझे गुरू।
दिनदुबळ्या समाजानं शिकावं,अन्यायाविरुद्ध आवाज उठवावा, स्त्रियांनी शिकावं अबला नाहीतर त्या सबला व्हाव्यात म्हणून ज्यांनी आपलं आयुष्य वेचलं ते सावित्री ज्योती माझे गुरू।
आयुष्याची बाराखडी लिहिण्यासाठी आणि वाचण्यासाठी ज्यांनी तयार केलं ते माझे पहिले शिक्षक माझे गुरू।
आयुष्याचे धडे वाचण्यासाठी,काय मिळवायचं काय वजा करायचं कशाला गुणायचं आणि कशाला भाग घालवायचा हे आयुष्याचं गणित शिकवणारे,शिक्षणाच्या वेगवेगळ्या टप्यावर करियरची वाट दाखवणारे माझे शिक्षक माझे गुरू।
जीवनाच्या खडतर प्रवासात माझी हक्काची माणसं,माझे सर्व नातेवाईक, मित्र मंडळी,शेजारी पाजारी माझ्यासोबत सहप्रवाशी होऊन सुखात आनंदी झाले तर दुःखाचा भार कमी केला, तसेच माझी प्रगती झाली म्हणून माझ्यावर जळणारे माझे निंदक हे सर्वच माझे गुरू।
नोकरीच्या ठिकाणी काम चुकलं म्हणून ओरडा देणारे व प्रसंगी कामाचं कौतुक करणारे माझे सर्व बॉस माझे गुरू।
यशाच्या शिखराकडे मार्गस्थ होताना आनंद देणारे ,प्रसंगी रडायला लावणारे तसेच प्रोत्साहन देणारे असे माझे बरे वाईट अनुभव माझे गुरू।।
लहान मुलांची निरागसता, खेळकर पोरांचा खोडकरपणा, तारुण्याचा स्वप्नवादीपणा आणि नंतर आलेला जबाबदारपणा हे सगळे गुण माझे गुरू।
माझं लिखाण तुम्ही वाचता आणि तुमच्या प्रतिक्रिया पाठवता त्यामुळे खरं तर लिखाणाची प्रेरणा मिळते,माझ्या लेखणीला बळ मिळतं.तुम्ही आहात म्हणून माझं लिखाण आहे आणि म्हणूनच माझ्या लेखणीला ओळख करून देणारे माझे सर्व वाचक माझे गुरू।
4 टिप्पण्या
गुरुपौर्णिमेच्या सर्वांना खूप खूप शुभेच्छा
उत्तर द्याहटवा,🌹🌹🙏🙏🙏🌹🌹🌹
कृपया तुमच्या प्रतिक्रिया नोंदवा
सुंदर लिखाण
उत्तर द्याहटवाKhupch chan
उत्तर द्याहटवाKhupach Sundar mandl aahe
उत्तर द्याहटवाकृपया तुमच्या प्रियजनांना लेख शेअर करा आणि तुमचा अभिप्राय जरूर नोंदवा. 🙏 🙏